| |||||||||||
|
2008
- 2009
- 2010
- 2011
- 2012
- 2013
- 2014
- 2015
- 2016
- 2017
- 2018
- 2019
- 2020
- 2021
- 2022
Noticias [11/09/2009]XORNADAS PEDRO MURIAS Ver Galería de fotos Durante os días 9 a 11 do pasado mes de Setembro o Clube de Xovenes gandeiros de Galicia, coa colaboración da Escola de Capacitación Agraria “Pedro Murias” sita en Ribadeo organizamos unhas xornadas adicadas a fabricación de queixos de distintas Denominacións de Orixe da nosa terra. O que nun principio nos parecian unhas xornadas de interese dubidoso para os socios e con bastante incertidume en canto o número de participantes, resultou todo o contrario, unhas xornadas moi interesantes, activas, proveitosas e cun adecuado número de participantes. As xornadas desenrolaronse en tres días centrándose case por completo na parte práctica. Nun primeiro intre recibimos unhas nocións básicas de teoria sobre as características e modo de fabricación de cada unha das Denominacións de Orixe abordadas. De seguido pasamos á queixeria na que todos nos puxemos mans a obra, basta con votar unha ollada as fotografías e observar o afán de participación de cada un dos asistentes en tódalas partes do proceso de fabricación. Na primeira sesión fabricamos Arzua Ulloa, na segunda San Simón da Costa e o queixo de Tetilla foi o que pechou estas primeiras xornadas. Unha vez rematadas e según se comentaba entre os asistentes, -dos que se percibía un elevado interese,- algún deles chegou a rondarlle a posibilidade de adicar a súa explotación á fabricación de subproductos lácteos. Debido á crise que atravesa o sector e sobre todo a que á venda de leite crú se refire, ésta sería unha vía para a continuidade de moitas explotacións. Dada a satisfacción nestas primeiras xornadas, estúvose comentando a posibilidade de continuar complementando esta formación. Parece que no Centro podense impartir 3 novas xornadas sendo, unha delas adicada á elaboración do yogurt, outra ó queixo de barra e unha terceira con posibilidade de visitar unha fábrica de queixos en funcionamento, a fin de intercambiar impresións cos seus propietarios e resolver seguramente moitas dúbidas que lles xurdan ós participantes. Dende aquí queremos agradecer no nome dos participantes e tamén do Clube en xeral, á Escola de Capacitación Agraria “Pedro Murias” e a todo o seu persoal pola axuda prestada na organización e desenrolo destas xornadas, facilitandonos o traballo, e ofrecendo un exquisito trato a tódolos participantes, tanto os que pernoctaban no Centro, como os que só comian nel. Gracias por facernos sentir como na nosa propia casa. Só nos queda animar a todos aqueles socios á participación en próximas xornadas que intentaremos organizar na mesma escola. |
Clube Xóvenes Gandeiros de Galicia Rúa Melide 25-27 Bajo 15705 Santiago de C. A Coruña - España Tfno./Fax: + 34 981 573 879 + 34 981 573 775 www.xovenesgandeiros.com clubexovenes@fefriga.com |
|